கோட்டாபய ராஜபக்ச யுத்தத்திற்கு பயந்து நாட்டை விட்டு வெளியேறியவர் அல்ல. உண்மை அதற்கு நேர்மாறானது. அவர் ஒரு முன்மாதிரியான தொழில் முறை இராணுவ மனிதர் என்று ஓய்வுபெற்ற மேஜர் ஜெனரல் கமல் குணரத்ன தெரிவித்துள்ளார்.
கோட்டாபய ராஜபக்சவின் சுயசரிதை நூலான ‘கோட்டாபய’ வின் வெளியீட்டு நிகழ்வில் இதனை தெரிவித்தார். நந்திக் கடலுக்கான பாதை, உத்தர தேவி உள் ளிட்ட மூன்று புத்தகங்களை எழுதியுள்ள மேஜர் ஜெனரல் குணரத்ன எழுதிய நான்காவது புத்தகம் இதுவாகும்.
“கோட்டாபய ராஜபக்ச, போருக்கு பயந்து நாட்டை விட்டு வெளியேறினார் என் பது அவரது எதிர் தரப்பின் முக்கிய குற்றச்சாட்டு. இது தவறான குற்றச் சாட்டு என்பதை நிரூபிக்க நான் ஒரு உதாரணம் சொல்வேன்.
யாழ்ப்பாணத்தில் விடுதலைப் புலிகளைத் தாக்கும் ஒரு நடவடிக்கையின் போது, எங்கள் இரண்டு பட்டாலியன்களில் முதலாவது விடுதலைப் புலிக ளால் கொடூரமாக தாக்கப்பட்டது. பட்டாலியன்களை வழிநடத்தி வந்த கோட் டாபய பின்வாங்கவில்லை.
இரண்டாவது பட்டாலியனுடன் முன்னேறினார். அவர் முன்னேறாமல் தங்கி யிருக்க முடியும். பின்னாலிருந்து கட்டளையிட்டிருக்க முடியும். ஆனால் அவர் பட்டாலியனுடன் முன்னேறினார். என் நினைவு சரி என்றால், அன்று 90 க்கும் மேற்பட்ட அதிகாரிகளையும் வீரர்களையும் இழந்தோம்” என்றார்.
பாதுகாப்புச் செயலாளராக பணியாற்ற நாட்டுக்குத் திரும்பிய பின்னர், முப் படைகளையும் இணைத்து விடுதலைப்புலிகளிற்கு எதிரான போரை சரியாக நடத்தும் விதமாக முப்படையையும் ஒழுங்கமைத்தார் என்றார்.
“சமாதான உடன்படிக்கையின் போது, எங்கள் இராணுவம் உலகின் மிக அவ மானகரமான சக்தியை கொண்டிருந்தது. இராணுவம் அதிக சகிப்புத்தன் மையை நிலைநிறுத்த வேண்டியிருந்தது.
ஆனால் கோட்டாபய விமானப்படைக்கு போதுமான போர் விமானங்களைக் கொண்டிருப்பதையும், அனைத்து சக்திகளுக்கும் பயங்கரவாதத்தை எதிர் கொள்ளும் திறன் இருப்பதையும் உறுதி செய்தார்.
அவர் ஒரு முன்மாதிரியான தொழில்முறை இராணுவ மனிதர் ”என்றார்.
அவந்த்-கார்ட் மிதக்கும் ஆயுதக் களஞ்சியம் அந்நிய செலாவணியை ஈட்டித் தரும் தங்கச்சுரங்கம், இது தற்போதைய அரசாங்கத்தால் நிறுத்தப்பட்டது என் றார். புத்தகத்தை எழுதுவதற்கு அனுமதி கேட்க பல மாதங்களுக்கு முன்பு கோட்டாவை சந்தித்ததாக கமல் குணரட்ண கூறினார்.
அதன் பின்னர் பலர் புத்தகம் எழுத கோட்டாவை அணுகியதாகவும் குறிப் பிட்டார்.
“அவர் எனக்கு அனுமதி வழங்கினார். கமல் குணரத்ன புத்தகம் எழுது கிறார் என்று மற்றவர்களிடம் கூறினார். இது பல மாதங்களுக்கு முன்பு, ஜனா திபதித் தேர்தலில் போட்டியிடுவதாக அறிவிப்பதற்கு முன்பே நடந்தது. இந்த புத்தகம் தேர்தலை நோக்கமாகக் கொண்ட ஒரு முயற்சி அல்ல” என்று அவர் கூறினார்.
முன்னாள் ஜனாதிபதி மஹிந்த ராஜபக்ச மற்றும், பெரமுனவின் ஜனாதிபதி வேட்பாளர் கோட்டாபய ராஜபக்ச ஆகியோருக்கு மேஜர் ஜெனரல் குணரத்ன அவர்களின் ‘கோட்டாபய’ புத்தகத்தின் பிரதிகள் திங்கள்கிழமை தாமரை தடாக அரங்கில் நடைபெற்ற வெளியீட்டு நிகழ்வில் வழங்கப்பட்டன.
